काठमाडौ, २४ कार्तिक–सिमांकनका विषयमा झण्डै तीन महिनादेखि आन्दोलन गर्दै आएको संयुक्त लोकतान्त्रिक मधेशी मोर्चाले सरकार तराई आन्दोलनप्रति गम्भीर नभएको भन्दै कांग्रेसबिना वार्तामा सहभागि नहुने जनाएको छ ।
मोर्चाले प्रमुख दलहरुसँग वार्ता गरी समस्याको समाधान खोज्ने प्रयास गरेपनि दलहरु र सरकारले मोर्चाको प्रयासलाई गम्भीरताका साथ नलिएकाले तत्काललाई सम्वाद गर्नुको कुनै अर्थ नरहेको मोर्चाले जनाएको छ । मोर्चाले सरकारले मधेश आन्दोलनलाई गलततरिकाले व्याख्या गरेको भन्दै हालै प्रधानमन्त्री र मन्त्रीहरुले दिएको अभिव्यक्तिले वार्ताको वातावरण विघारेको जनाएको छ ।