काठमाडौ, २८ मंसिर– महानगरीय प्रहरी अपराध महाशाखाले पेट्रोलिम पदार्थमा ठगि गर्न सघाउने नाप तौल तथा गुणस्तर विभागका पूर्व महानिर्देश रामआधार साह तथा नेपाल आयल निगम थानकोट डिपोका प्रमुख रबिन शर्मालाई आइतबार पक्राउ गरेको छ । विभागका पूर्व महानिर्देशक साहलाई गौशालामा लुकेर बसेको अवस्थामा फत्राउ गरेको तथा शर्मालाई थानकोट डिपोबाटै पक्राउ गरेको प्रहरीले जनाएको छ । साहले नाप तौल विभागको महानिर्देशक हुदाँदेखि नै उपत्यकाका पम्पहरुमा रिमोर्ट जडान गरेर ठगि गर्न सघाउका लागि भारतको विहारबाट मिस्त्रि बोलाएर उपत्यकाका पम्पहरुमा रिमोर्ट जडान गर्न लगाउने गरेको र शर्माले पेट्रोल पम्पहरुसँग मिलेर उपभोक्तालाई ठगी गरेकाले नियन्त्रणमा लिइएको प्रहरीले जनाएको छ । प्रहरीले पेट्रलियम पदार्थ ठगिको आरोपमा नियन्त्रणमा लिएका व्यापारिहरुको बयानका आधारमा उनीहरुलाई नियन्त्रणमा लिएको जनाएको छ ।
