काठमाडौं । नवकलाकार श्रेया कार्कीको डेब्यु चलचित्र ‘बागमती’ यही पुस २४ गतेबाट देशभरका हलमा रिलिज हुन लागेको छ । पहिलो चलचित्रमै नायक राजेश हमालसाग काम गर्न पाएकी कार्कीले यस चलचित्रबाट नेपाली फिल्मी क्षेत्रमा स्थापित हुने आशा गरेकी छिन् ।
अहिले कार्कीको कामको सबैतिरबाट चर्चा हुन थालेको छ । श्रेयाको अभिनयको तारिफ अहिले चलचित्र वृत्तमा चलेको देखिन्छ । उसो त श्रेया अहिले म्युजिक भिडियोहरूमा पनि व्यस्त हुन थालेकी छिन् । चलचित्रमा मात्र होइन, अब उनले म्युजिक भिडियोमा पनि सम्भावना देखाएकी छिन् । उनै श्रेयालाई लिएर निर्देशक रायन कार्कीले एक म्युजिक भिडियो तयार पारेका छन् । सञ्जीव मानन्धरको स्वर तथा शब्द रहेको ‘सुस्तरी’ बोलको म्युजिक भिडियोमा श्रेयासागै सञ्जीव र विश्रान्तलाई देख्न सकिन्छ ।
