गरे के हुादैन तर जुनसुकै काम गर्न पनि तयार हुनुपर्छ भन्ने उदाहरण बनेका छन् बेलायतका एक करोडपति । बेलायतमा बस्ने एक १९ वर्षीय टिनएजरले यस्तो काम गरेर देखाइदिए जसले संसारभरीका सबै मानिसहरूलाई अचम्मित बनाइदिन्छ । किशोरावस्थामा उनले यति धेरै पैसा कमाए कि उनले आफ्नो लागि १ करोड १२ लाख पर्ने बेन्टलेसम्म खरिद गरेका छन् ।
एक रिपोर्ट अनुसार बेलायतको साउथ ह्याम्पटनमा बस्ने रोबर्ट मुफेनले यति सानो उमेरमा नै संसारलाई चकित बनाउने सफलता हासिल गरेका छन् । विद्यालयमा पढ्दापढ्दै उनी सफल भएका हुन् । अहिले उनको आफ्नी आमालाई खुसी बनाउनका लागि एउटा गाडी र ठूलो घर खरिद गरेका छन् ।
यति पैसा कमाउनुभन्दा पहिले उनी म्याकडोनाल्डमा काम गर्दथे । आर्थिक अवस्था राम्रो नभएका कारण उनले १६ वर्षको उमेरमा यस्तो काम गर्नुपर्यो । पढ्दापढ्दै म्याकडोनाल्डमा काम गर्नुका साथै उनले अर्को साइड बिजनेस पनि चलाएका थिए ।
उनले पैसा कमाउनका लागि १६ वर्षको उमेरदेखि नै शेयर मार्केट (बाइनरी ट्रेडिंग) मा पैसा लगाउने तालिम लिन सुरु गरेका थिए । त्यतिबेलादेखि नै उनले लगातार सिक्दै र लगानी गर्दै गए त्यसपछि उनले आफ्नै एक कम्पनी खोले ।