विसकेक(एजेन्सी) । किर्गिस्तानका उपप्रधानमन्त्री तेमिर झुमाकादिरोभको कार दुर्घटनामा निधन भएको छ। एक राजमार्गमा गुडिरहेको उनको कार ट्रकसँग ठोक्किएर दुर्घटनामा परेको थियो।
स्थानीय समयानुसार शनिबार विहान करिब साढे सात वजे विसकेक–कारा–बाल्टा राजमार्गमा पर्ने साडोभोए गाउँमा उनको कार दुर्घटना भएको थियो।
उपप्रधानमन्त्री झुमाकादिरोभ र उनका सहयोगी टोयटा ल्याण्डक्रुजरमा यात्रा गरिरहेका थिए। दुर्घटनामा उनीहरु दुवैको घटनास्थलमै मृत्यु भएको बताइएको छ।
उपप्रधानमन्त्री झुमाकादिरोभ ३८ वर्षको थिए। उनी गत अगष्टमा मात्रै उपप्रधानमन्त्रीमा नियुक्त भएका थिए।
