काठमाडौं / सरकारले बालकुमारी, सातदोबाटो, महालक्ष्मीस्थान, एकान्तकुना, सानेपा र बल्खु गरी ६ स्थानमा आकाशे पुल निर्माण गर्न लागेको काठमाडौं चक्रपथ सुधार योजनाले जनाएको छ ।
सो स्थानमा आकाशे पुल नभएकोले पैदल यात्रीले जोखिमपूर्ण यात्रा गर्नु परेको भन्दै गुनासो आएपछि ६ ओटा आकाशे पुल थप्न लागिएको हो ।
सरकारले आकाशेपुल निर्माणलाई प्राथमिकता दिँदै योजनाको कामलाई तीव्रता दिएको छ ।
चक्रपथमा पैदलयात्रीले बाटो काट्ने मुख्य चोकहरुमा आकाशे पुल निर्माण गर्न लागिएको योजनाका इन्जिनियर निरन्जन शर्माले जनाए ।
