अमेरिकाको इण्डियानाका एकजना पुरुषले आफ्नै अभिभावकविरुद्ध मुद्दा हालेका छन् । अश्लील चलचित्रका सीडी तथा अन्य अश्लील सामग्रीहरु भएका पत्रिकालगायतका ठूलो परिमाणका सामाग्रीहरु नष्ट गरिदिएको भन्दै उनले आफ्नै बुवा–आमाविरुद्ध मुद्दा हालेका हुन् । उनका सीडी तथा पत्रिकाहरु यतिधेरै रहेछन् कि ती सबैको मूल्य झण्डै २९ हजार डलर पर्ने दाबी उनको छ । मिचिगनस्थित संघीय अदालतमा ती व्यक्तिले मुद्दा हालेका छन् ।
सन् २०१६ मा ती व्यक्ति डिभोर्सपछि आफ्नो परिवारसँग छुट्टिएर बसेका थिए । उनी घर सरेको १० महिनापछि उनका अभिभावकहरुले उनका सरसामानहरु उनको नयाँ घरमा पठाइदिएका थिए । तर सबै सामान पठाइदिएपछि उनले थुपारेका १२ बाक्सा अश्लील सामाग्रीहरु भने बुवा आमाले पठाइदिएनन् । ती अश्लील सामाग्रीहरु आफूहरुले नष्ट गरिदिएको उनका अभिभावकहरुले स्वीकारेका छन् । अदालतमा दायर गरेको मुद्दामा उनले आफ्ना अश्लील सामग्रीहरु नष्ट गरिदिएकोमा आफ्ना अभिभावकहरुसँगबाट ८७ हजर डलर क्षतिपूर्ति पाउनुपर्ने माग गरेका छन् ।
