काठमाडौं / नेकपा क्रान्तिकारी माओवादीका महासचिव मोहन वैद्य किरण नख्खु पुगेका छन् । जेलमा रेहका विप्लव नेकपाका नेता सुदर्शनलाई भेट्न वैद्य नख्खु कारागार पुगेका हुन् । भेटमा नेता सुदर्शन निकै उत्साहित मुद्रामा देखिएको महासचिवसँगै कारागार पुगेका क्रान्तिकारी माओवादीका केस बसन्त बोगटीले जानकारी दिए ।
ओली सरकारद्वारा प्रतिबन्धित विप्लव नेकपाका स्थायी समिति सदस्य हेमन्त प्रकाश ओली सुदर्शनको पछिल्लो स्वास्थ्य स्थिति बुझ्न नेकपा (क्रान्तिकारी माओवादी)का महासचिव कमरेड मोहन वैद्य किरण नख्खु कारागारमा पुगेका हुन् ।
कारागारमा सुदर्शनलाई भेटेर महासचिव किरणले स्वास्थ्य स्थिति बुझेका छन् । सुदर्शनको पछिल्लो स्वास्थ्य अवस्था र कारागारको व्यवस्थापनको विषयमा जिज्ञासा समेत महासचिव वैद्यले राखेका थिए ।
महासचिव किरणले कारागार प्रशाशक वेद प्रसाद अर्यालसँग समग्र कारागारको व्यवस्थापन र राजनीतिक आस्थाका कैदी बन्दीको विषयमा सामान्य जानकारी लिदै उनीहरुलाई उचित मानवीय व्यवहार गर्न आग्रह समेत गरेका थिए ।
महासचिव किरणसँगै क्रान्तिकारी माओवादीका पोलिटव्युरो सदस्य एवं ३ नम्बर प्रदेश सेक्रेटरी दिनेश शर्मा सागर समेत सुदर्शनलाई भेट्न गएका थिए ।
