काठमाडौं– एसईई परीक्षाको नतिजा बिहीबार प्रकाशित हुने भएको छ । नतिजा प्रकाशनको निर्णय गर्न दिउँसो बोर्ड बैठक बोलाइएको छ ।
बैठकको निर्णय पछि लगत्तै परीक्षाको नतिजा सार्वजनिक हुनेछ ।
नतिजा अघिल्लो वर्षको तुलनामा यस पटक केही ढिला प्रकाशन हुन लागेको हो ।
कर्मचारी समायोजनका कारण जनशक्ति अभाव भएकाले नतिजा ढिला आउन लागेको बताइएको छ ।
अघिल्ला वर्षहरुमा जेठ मसान्त वा असार पहिलो साताभित्रै नतिजा सार्वजनिक हुने गर्दथ्यो ।
२०७५ सालको एसईई परीक्षा गत चैत १० गतेबाट सुरु भएको थियो ।
संघीय संरचनाअनुसार पहिलो पटक भएको परीक्षामा देशभरबाट ४ लाख ७५ हजारभन्दा बढी परीक्षार्थी सहभागी भएका थिए ।
तीमध्ये दुई लाख ३६ हजार ४४५ छात्र र दुई लाख ३८ हजार ५५८ छात्रा परीक्षार्थी छन् ।
