काठमाडौं / ‘नेपालका लागि नेपाली’ अभियानका ज्ञानेन्द्र शाहीमाथि चितवनमा निर्घात कुटपित भएको छ । उनलाई प्रहरीले उद्दार गरेको जनाइएको छ ।
अभियानले चितवनको चौबिसकोटीमा खबरदारी सभा राखेको थियो । सत्तासीन नेकपा निकट विद्यार्थीहरुले ‘राजावादीलाई कार्यक्रम गर्न दिँन्नौं’ भन्दै कार्यक्रम विथालेर शाहीमाथि निर्घात कुटपिट गरेका छन् ।
चौबिसकोटीस्थित होटल ग्लोबलबाट निस्किएर गाडी चढेका उनीमाथि कुटपिट भएको हो । आक्रमणकारीहरुले शाही चढेको गाडी समेत तोडफोड गरेका छन् ।
घटनामा संलग्न भएको आशंकामा प्रहरीले दुई जनालाई नियन्त्रणमा लिएको जनाइएको छ ।
