एजेन्सी / हरेक छोराछोरीलाई आमाबुवा दिएको उपहार अनमोल लाग्छ । चिनियाँ एक युवाका लागि आफ्ना आमा–बुवाले दिएको उपहारकै कारण रातारात अर्बपति बनाएका छन् । आफ्ना आमाबुवाको उपहारले २४ वर्षका युवक एरिक त्से रातारात अर्बपति बनेका हुन् ।
एरिकका पिता त्से पिंग र आमा चेयुङ लिन चेङ साईनो बायो–फर्मास्युटिकलका संस्थापक हुन् । तिनले हाल कम्पनीको २१.५ प्रतिशत शेयर आफ्ना छोरा एरिकलाई उपहारमा दिएका छन् । अर्थात तिनले एरिकलाई कम्पनीको पूँजिगत शेयरको करिब पाँच भागको एक भाग हिस्सा दिएका हुन् ।
वाशिंटन पोस्टको रिपोर्टका अनुसार, एरिकका आमाबुवाले यो हप्ताको सुरुमा उनलाई यो उपहार दिएका थिए । कम्पनीको उक्त परिमाणको शेयर मूल्य ३.८ अर्ब डलरको छ । रिपोर्टअनुसार यति शेयरबाट एरिकले एक वर्षमा पाँच लाख डलरभन्दा बढी कमाई गर्नेछन् । योसँगै एरिक अब संसारको ५५० सबैभन्दा धनी मानिसको सूचिमा परेका छन् ।
रिपोर्टअनुसार एरिकको सम्पत्ति अमेरिकी राष्ट्रपति डोनाल्ड ट्रम्प, हलिउड निर्देशक स्टेभन स्पीलबर्गजस्ता दिग्गजको भन्दा बढी छ । तर एरिकले आफूलाई अर्बपतिको सूचिमा पर्न इच्छुक नभएको जनाएका छन् । अमेरिकाको सिएटलमा जन्मिएका एरिकले पढाई भने बेइजिङ र हङकङमा पुरा गरे । एरिकले उच्च शिक्षा पेन्सिलभेनियाको ह्वार्टन स्कुल अफ फाइनान्सबाट स्नातक गरे ।
साउथ चाइना मर्निङ पोस्टको रिपोर्ट अनुसार एरिक हङकङमा कम्तिमा पनि पाँच अन्य कम्पनीका निर्देशक छन् ।
