संसारकै महंगो घडी

40

एजेन्सी / धेरै मानिसमा घडीको शौख रहेकाे हुन्छ । घडीले समयबारे सही जानकारी दिने मात्र होइन, ब्यक्तित्व विकासमा पनि मद्दत गर्छ ।

अझ लग्जरी ब्राण्डका घडीले त धेरै मानिसलाई आर्कषित समेत गर्दछ । यस्ता लग्जरी ब्राण्डका घडीका मूल्य निकै महंगो पर्ने गर्दछ । लग्जरी ब्राण्डका एउटै घडीको मूल्य, हजारौँ, लाखौँसम्म पर्छ । तर एउटा घडीको मात्रै मूल्य ३ अर्ब ५८ करोड पर्‍योभन्दा जोकोहीलाई पत्याउन मुस्किल पर्छ ।

जेनेभामा शनिबार स्विस लक्जरी ब्राण्डको पतेक फिलिपद्वारा लिलामीमा राखिएको एउटा घडीको मूल्य ३१ मिलियन डलरभन्दा बढी परेको हो ।

जसको नेपाली मूल्य ३ अर्ब ५८ करोड ८ हजार ८ सय हुन्छ । लिलामीमा राखिएको ग्राण्डमास्टर शाइम ६३००ए–०१० घडीलाई अहिलेसम्म नाडीमा लगाइएको छैन ।

स्टेनलेस स्टीलद्वारा निर्मित उक्त घडीको एक मात्र संस्करण रहेको छ । जसको अर्लाम उपडायलका लागि विशेष शिलालेख मानिएको छ । कालो र गुलाबी सुन र १८ क्यारेटको सोलिड गोल्ड डायलको प्लेट्स छ । जसमा हातद्वारा सिलाइएको गोहीको छालाबाट ब्याण्ड बनाइएको छ ।

उक्त घडी लिलामी गर्नुको उद्देश्य डचेने मस्क्यूलर डिस्ट्राफी नामक बिमारीको अनुसन्धानका लागि खर्च गर्ने रहेको छ ।

LEAVE A REPLY

Please enter your comment!
Please enter your name here