ललितपुर / अखिल क्रान्तिकारी ललितपुरको १४औं जिल्ला सम्मेलन सम्पन्न भएको छ । अज्ञात स्थलमा भएको सम्मेलनले अग्रीमको अध्यक्षतामा २१ सदस्यीय जिल्ला समिति निर्वाचित गरेको छ ।
समितिको अन्य पदाधिकारीहरुमा उपाध्यक्ष निर्माण, सचिव अनुपम, सह–सचिव निश्चल तथा कोषाध्यक्षको जिम्मेवारी मिसनलाई दिइएको छ ।
अन्य सदस्यहरुको भने नाम खुलाइएको छैन । कार्यक्रममा प्रमुख अतिथि सो संगठनका महासचिव प्रकाश शाही र विशेष अतिथिकोरुपमा जनस्वास्थ्यकर्मी संघका महासचिव तथा चिकित्सा शिक्षा संघर्ष समितिका संयोजक प्रकाश चन्द उपस्थित थिए ।
कार्यक्रममा जनवर्गीय संगठन ललितपुर जिल्लाका फ्रयाक्सन इन्चार्ज प्रतिवद्ध र अखिल क्रान्तिकारीका काठमाडौं उपत्यका इन्चार्ज हर्कबहादुर बिकले पनि मन्तव्य राखेको जनाइएको छ ।
कार्यक्रममा सो संगठनका पूर्वजिल्ला अध्यक्ष विनोद लुईंटेललाई विदाई गरिएको प्राप्त समाचारमा जनाइएको छ ।
