कोभिड १९ अर्थात कोरोना भाइरसको कारण देश लकडाउनमा भएको समयमा किसानले गरेका उत्पादन बिक्री बितरणमा समस्या आएपछि कृषि तथा पशुपंक्षी मन्त्रालयले डिजिटल कृषि बजारको बेटा भर्सन आइतबारबाट सञ्चालनमा ल्याएको हो ।
डिजिटल कृषि बजारको माध्यमबाट लकडाउनमा किसानले आफ्ना उत्पादनहरु बिक्रीको लागि सिधैं खरिदकर्तासँग सम्पर्क गर्न सक्ने मन्त्रालयले जनाएको छ ।
किसानले आफुले गरेका उत्पादन, त्यसको मूल्य, परिमाण, फोन नम्बर र ठेगाना लगायतको विवरण डिजिटल कृषि बजारको वेबसाइटमा राख्न सक्ने छन् । उक्त विवरणको आधारमा किसान र खरिदकर्ताले सम्पर्क गरी उत्पादनको किनबेच गर्न सक्नेछन् ।
