एजेन्सी – कोरोना संक्रमित भएको १२ दिनपछि अन्य व्यक्तिमा संक्रमण सार्न नसक्ने एक अध्ययनले देखाएको छ ।
सिंगापुर नेसनल सेन्टर फर इन्फेक्सन डिजिजेजले हालै अमेरिका र चीनका कोरोना संक्रमितहरु गरी ७३ जनामा गरेको अनुसन्धानबाट उक्त तथ्य फेलापरेको हो ।
सो अध्ययनकाअनुसार कोरोना संक्रमित व्यक्तिको शरीरमा उक्त भाइरस रहिरहेता पनि दोस्रो व्यक्तिहरुमा सर्ने छैन ।
उक्त संस्थाका डिरेक्टर लिओ यी सिनकाअनुसार कोरोना संक्रमितलाई ‘आइसोलेसन’मा जम्मा ११ दिन राखे पुग्ने र १२औं दिनमा ‘डिस्चार्ज’ गरेपनि फरक नपर्ने जनाइएको छ ।
संसारभर कोरोनाका कारण तीन लाख ४८ हजार बढीको मृत्यु भइसकेको छ ।