देशमा कोरोना संक्रमितको संख्या २ हजार ९ सय १२ पुग्यो

24

काठमाडौं – नेपालमा थप २७८ जनामा कोरोना भाइरसको संक्रमण देखिएको छ। पछिल्लो २४ घण्टामा देशका विभिन्न प्रयोगशालामा गरिएको परीक्षणका क्रममा थप २७८ जनामा कोरोना भाइरसको संक्रमण पोजेटिभ देखिएको हो।

स्वास्थ्य तथा जनसंख्या मन्त्रालयका प्रवक्ता डा विकास देवकोटाका अनुसार २६७ जना पुरुष र ११ जना महिलामा संक्रमण देखिएको हो। थपिएका २७८ सहित नेपालमा संक्रमितको संख्या २ हजार ९ सय १२ पुगेको प्रवक्ता डा देवकोटाले जानकारी दिए।

नेपालमा अहिलेसम्म ३३३ जना उपचारपछि निको भएका छन्। पछिल्ललो २४ घण्टामा ४३ जना उपचारपछि निको भएर डिस्चार्ज भएका हुन्। प्रवक्ता डा. देवकोटाका अनुसार हालसम्म देशका ६८ जिल्लामा संक्रमण देखिएको छ।

LEAVE A REPLY

Please enter your comment!
Please enter your name here