होम आइसोलेसनमै ६५ वर्षीय संक्रमितको मृत्यु

भक्तपुर-कोरोना संक्रमणपछि होम आइसोलेसनमा रहेका एक व्यक्तिको मृत्यू भएको छ । भक्तपुर नगरपालिका–१ दूधपाटीका कोरोना संक्रमित ६५ वर्षीय पुरुषको होम आइसोलेसनमै मृत्यु भएको हो ।

होम आइसोलेसनमै स्वास्थ्यलाभ गरिरहेका ती पुरुषको शनिबार राति मृत्यु भएको भक्तपुर नगरपालिका वडा नम्बर–१ का वडाध्यक्ष श्यामकृष्ण खत्रीले जानकारी दिए ।

उनको मृत्यूसँगै परिवारका अन्य सदस्यहरुको पनि पीसीआर परीक्षण गर्ने तयारी गरिएको वडाअध्यक्ष खत्रीले जानकारी दिए ।