काठमाडौं – प्रतिनिधिसभाकी सांसद सानु सिवा पहाडीको काठमाडौं मेडिकल कलेजमा उपचारका क्रममा निधन भएको छ ।
लामो समयदेखि अस्वस्थ रहेकी सिवाको बुधबार निधन भएको उनको परिवारले जानकारी दिएका छन् ।
उनी मृगौला र मुटुरोगका कारण अस्वस्थ थिइन् ।
सिवा प्रतिनिधिसभामा समानुपातिकतर्फकी सांसद थिइन् । मृगौला प्रत्यारोपणपछि पनि उनी अस्वस्थ थिइन् । ताप्लेजुङमा जन्मिएकी सिवा सांगितिक क्षेत्रमा समेत परिचित थिइन् ।