काठमाडौं – नेपाल इन्जिनियरिङ कलेजका तत्कालीन अध्यक्ष लम्बोदर न्यौपानेलाई केन्द्रिय अनुसन्धान ब्युरोले पक्राउ गरेको छ । न्यौपाने काठमाडौंस्थित आफ्नै घरबाट बुधबार पक्राउ परेका हुन् ।
न्यौपानेमाथि ३ करोड ७१ लाख रुपैयाँ ठगी गरेको आरोप लागेको प्रहरीले जनाएको छ । उनको विरुद्धमा इन्जिनियरिङ कलेजले नै प्रहरीमा उजुरी गरेको थियो । न्यौपाने नेपाल इन्जिनियरिङ कलेजमा २ पटकसम्म अध्यक्ष रहेका थिए ।
उनको समयमा कलेजको बेरुजु २३ करोड भन्दा धेरै देखिएको थियो । न्यौपानेको कारण अख्तियार दुरुपयोग आयोग अनुसन्धान आयोगका आयुक्त राजनारायण पाठकले पद त्याग्नु परेको थियो । न्यौपानेसँग पाठकले ७८ लाख घुस लिएको प्रमाण सार्वजनिक भएको थियो ।
