काठमाडौं – नवाेदित वसन्त अर्यालको नयाँ गीत ‘एसिड कथा’ सार्वजनिक भएको छ। गीतको शब्द र रचना वसन्त आफैंले दिएका छन् भने संगीत धीर विक्रम सिंहले दिएका छन्।
एसिड-आक्रमण पीडित युवतीको मनोव्यथामा आधारित ‘एसिड कथा’ले सामाजको कुकर्म चित्रण गरेको छ। गीतको भिडिओमा सांकेतिक तस्विरहरू प्रयोग गरी समाजको कुण्ठित मनोविचार र एसिड आक्रमण पछिको युवतीको जीवन दर्शाइएको छ।
दर्शकबाट राम्रो प्रतिक्रिया पाएको यो गीतले महिला हिंसाविरुद्ध आवाज उठाउन जनचेतना दिएको पाइन्छ। वसन्तको यसभन्दा पहिले ‘आमा’ र ‘चट्ट पियारी’ बोलका गीतहरू सार्वजनिक भएका छन्।
आर्टमाण्डु स्टुडिओमा रेकर्ड भएको ‘एसिड कथा’ गत मंगलबार नेपस्टुडियोको आधिकारिक युट्युब च्यानलबाट सार्वजनिक भएको हो।
VIDEO