कर्जा चाहने बैंकहरुले उचित धितोसहित बैंकको वेभसाइटमा उपलब्ध लिंकमा गएर रिपोका लागि आवेदन दिन सक्नेछन् । रिपो म्याचुरिटी अर्थात् बैंकहरुले कर्जा परिचालन गर्न पाउने मिति प्रस्तावित रिपो निष्काशनको मितिले एक हप्ता (भाद्र २४ गते) सम्म रहने राष्ट्र बैंकले जनाएको छ ।
बैंकिङ प्रणालीमा साधारण प्रकृतिको न्यून तरलताको स्थिति देखिएमा केन्द्रीय बैंकले छोटो अवधिका लागि (अधिकतम ७ दिन) तरलता प्रवाह गर्न बैंकहरुलाई कर्जा प्रस्ताव गर्ने गर्छ । यसमा इच्छुक बैंकहरुले आफुले दिन सक्ने ब्याजदरसहित कर्जाका लागि प्रस्ताव गर्छन् । र राष्ट्र बैंकले ब्याजदर हेरेर सबैभन्दा बढी ब्याज प्रस्ताव गर्ने बैंकबाट क्रमश रिपो वितरण गर्छ । यसैलाई रिपो भनिन्छ ।
