यसका सञ्चालक राजेशबाबु श्रेष्ठका अनुसार हालसम्म १ करोड ७० यात्रुले केबलकार प्रयोग गरेका छन् । कम्पनीले केबलकार रहेको चितवनको ईच्छाकामना गाउँपालिका र गोरखाको शहीद लखन गाउँपालिकामा प्रत्येकलाई कूल आम्दानीको १–१ प्रतिशत सामाजिक उत्तरदायित्व अनुसार शिक्षा, स्वास्थ्य, मण्ठमन्दिरको जीर्णोद्धारलगायत विकास निर्माणका कार्यमा खर्च गर्दै आएको छ ।
श्रेष्ठले अब मनकामना केबलकार लाई विद्यमान एनालग प्रविधिबाट डिजिटल प्रविधिमा स्तरोन्नति गर्ने काम भइरहेको पनि जानकारी दिएका छन् । उनले यो देशकै पहिलो डिजिटल केबलकार हुने जानकारी दिए ।
