मरणोप्रान्त भजन शिरोमणि भक्तराज आचार्यलाई ‘राष्ट्र गायक’ को उपाधि प्रदान

11

काठमाडौं । भजन शिरोमणि सुरसम्राट् भक्तराज आचार्यलाई मरणोप्रान्त ‘राष्ट्र गायक’ को उपाधि प्रदान गरिएको छ ।

सिस्नुपानी नेपालद्वारा सोमबार काठमाडौंको प्रज्ञा भवनमा आयोजित ‘राष्ट्र’ शीर्षकको कार्यक्रममा आचार्यलाई यो उपाधिद्वारा विभूषित गरिएको हो ।

कार्यक्रममा भजन शिरोमणि आचार्यप्रति सम्मान तथा श्रद्धाञ्जली अर्पण गर्दै ९१ जना संगीतकर्मीहरूले आचार्यकै कालजयी गीत ‘जहाँ छन् बुद्धका आँखा’ प्रस्तुत गरेका थिए । आचार्यको ४३औं पुण्यपतिथीका दिन राष्ट्रपति रामचन्द्र पौडेल, प्रधानमन्त्री पुष्पकमल दाहाल ‘प्रचण्ड’, पूर्वराष्ट्रपति, पूर्वप्रधानसहित नेपालका अधिकांश कार्यकारी व्यक्तिहरुको उपस्थितिमा भजन शिरोमणिलाई ‘राष्ट्र गायक’ को उपाधि प्रदान गरिएको हो ।

कार्यक्रममा आचार्यद्वारा संगीतबद्ध, बमबहादुर थापा जितालीद्वारा रचित अमर गीत ‘जहाँ छन् बुद्धका आँखा‘’ लाई प्रसिद्ध सङ्गीतज्ञ अमूल कार्की ढलीले विशिष्ट संयोजनका साथ नयाँ भर्सनमा प्रस्तुत गरेका थिए । भक्तराज आचार्यका सुपुत्रद्वय सत्य-स्वरूपका साथमा सुप्रसिद्ध गायकहरू दीप श्रेष्ठ, मीरा राणा, दीपक खरेल, मदनकृष्ण श्रेष्ठ, हरिवंश आचार्य, मुरलीधर, कुन्ती मोक्तान, सङ्गीता प्रधान, लोचन भट्टराई, आनी छोइङ डोल्मा, देविका बन्दना, धीरेन्द्र प्रेमर्षीलगायत ९१ जनाको विशिष्ट साङ्गीतिक समूहले उक्त गीतलाई सामूहिक रूपमा प्रस्तुत गरेको थियो ।

LEAVE A REPLY

Please enter your comment!
Please enter your name here