काठमाडौं । नेपाली राष्ट्रिय महिला फुटबल टिमकी डिफेण्डर पूजा राना गृहजिल्ला बाँकेमा सम्मानित भएकी छन् । साफ महिला च्याम्पियनसिप २०२४ को उपविजेता नेपाली टोलीकी डिफेन्डर पूजा रानालाई मंगलबार कोहलपुर नगरपालिकाले ५१ ह्जार रुपैयाँसहित सम्मान गरेको हो ।
नेपाललाई साफ वुमन्स च्याम्पियन्सिप २०२४ को फाइनलमा पुर्याउन पूजाले भूमिका खेलेकी थिइन् । त्यसक्रममा नेपाली टिमको लागि विशेष योगदान गरेका भन्दै पूजालाई सम्मान गरिएको नगरप्रमुख पूर्णप्रसाद आचार्यले बताए ।
सन् २०१९ मा विराटनगरमा भएको पाँचौ संस्करणको साफमा पूजाले सिनियर टिममा डेब्यु गरेकी थिइन् । काठमाडौंमा भएको सातौं संस्करणमा उनले तीन खेल मात्र खेलिन् । भुटानविरुद्ध पहिलो खेलमै घाइते भएकी उनले माल्दिभ्स र श्रीलंका विरुद्ध खेलिनन् । त्यसपछि भारत विरुद्ध सेमिफाइनल र बंगलादेश विरुद्ध फाइनलमा खेलेकी थिइन् ।
नेपाल फाइनलमा बंगलादेशसँग २-१ ले पराजित हुँदै उपविजेता बनेको थियो ।
