काठमाडौं । सर्लाही, बरहथवा नगरपालिका-१ सहनी टोल बस्ने राम प्रवेश सहनी, उनकै भाई मनोज सहनी र २० वर्षीय ललका सहनीको घरमा गए राति आगलागी हुँदा घर पूर्णरूपमा जलेर करिब १० लाख रूपैयाँ बराबरको धनमाल नष्ट भएको छ ।
खोटाङ, रावाबेसी गाउँपालिका-४ डुम्रेधारापानी बस्ने ईन्द्र बहादुर भुजेलको घरमा बुधबार राति आगलागी भएको छ । क्षतिको विवरण हाल खुलेको छैन ।
काठमाडौं महानगरपालिका-३२ बालकुमारीस्थित भोजराज भट्टको डगेरा फार्मेसीमा करेन्ट सर्ट भई बुधबार राति आगलागी हुँदा उक्त आगलागी फैलिएर फार्मेसीसँगै रहेका अन्य ३ वटा पसलहरू समेतमा आगलागी भएको छ । आगलागीबाट भएको क्षतिको विवरण हाल खुलेको छैन ।
प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
