नेपालले विश्वकप क्रिकेटमा सान्तवना जित निकाले

8

काठमाडौं । कप्तान पूजा महतोले अलराउण्ड प्रदर्शन गर्दा नेपालले विश्वकप क्रिकेटमा सान्तवना जित निकालेको छ। मलेसियामा जारी आइसिसी यु १९ महिला विश्वकपअन्तर्गत ‘प्लेअफ’ खेलमा नेपालले घरेलु टोलीलाई ७ विकेटले पराजित गर्‍यो।

मलेसियामा शुक्रबार भएको खेलमा पहिले ब्याटिङ गर्दै घरेलु टोलीले दिएको ४६ रनको लक्ष्य नेपालले ११ ओभरमा ३ विकेट गुमाएर पूरा गर्‍यो।

नेपालको जितमा कप्तान पूजा महतोले अविजित २३ रनको इनिङ्स खेल्दा उनले मलेसियाको ४ विकेटसमेत लिएकी थिइन्। पूजाबाहेक अन्य खेलाडीले भने दोहोरो स्कोरमा रन बनाउन सकेनन्।

त्यसअघि टस हारेर पहिले ब्याटिङको निम्तो पाएको घरेलु टोलीले १६.५ ओभरमा अलआउट हुँदै ४५ रन मात्र जोड्न सक्यो। मलेसियाका लागि नुरिमानले सर्वाधिक १५ रन जोड्नुबाहेक अन्य ब्याटरले दोहोरो अंकमा रन बनाउँन सकेनन्।

नेपालका लागि कप्तान पूजाले ४, रचना चौधरीले ३ , रिया शर्मा र सिमाना केसीले समान १–१ विकेट लिए। नेपाल र मलेसिया आफ्नो समूहको सबै खेलमा पराजित भएका थिए।

नेपालले डेब्यु विश्वकपमा जितका साथ आफ्नो यात्रा समाप्त गरेको छ। अर्को संस्करणको विश्वकप २०२७ मा नेपालले घरेलु मैदानमा आयोजना गर्दै छ।

विश्वकपको समूह ‘डी’ मा रहेको नेपालले स्कटल्याण्ड, अस्ट्रेलिया र बंगलादेशसँग हार ब्यहोरेको थियो।

LEAVE A REPLY

Please enter your comment!
Please enter your name here