सामसङ ए५६, ए३६ र ए२६ फाइभजी सार्वजनिक

काठमाडौं । नेपाली बजारमा सामसङ ए५६, ए३६ र ए२६ फाइभजी स्मार्टफोन सार्वजनिक भएको छ। नेपाली बजारमा ग्यालेक्सी एफाइभ६ र एथ्री६ बजारमा उपलब्ध छन्। साथै एटु६ भने अप्रिलको पहिलो साताबाट बजारमा आउने कम्पनीले जनाएको छ।

सामसङ नेपालका निर्देशक प्रणयरत्न स्थापितका अनुसार यस प्रविधिले मोबाइल एआई अनुभवलाई सर्वसुलभ बनाउँदै सबै प्रयोगकर्तालाई सिर्जनात्मक, सुरक्षित र सहज डिजिटल अनुभव प्रदान गर्नेछ। कम्पनीले यी फोनमा एडभान्स्ड क्यामेरा सिस्टम, आईपी६७ रेटिङ (धुलो र पानी प्रतिरोधी), गोरिल्ला ग्लास भिक्टस प्लस सुरक्षा, साथै ६ वर्षसम्मको ओएस र सेक्युरिटी अपडेट सुनिश्चित गरेको छ।

सामसङको यो नयाँ सिरिजले नेपाली उपभोक्तालाई सुलभ मूल्यमा अत्याधुनिक एआई र प्रिमियम मोबाइल अनुभव दिने विश्वास गरिएको छ।