काठमाडौं । राप्रपाका दुई नेता धवल शमशेर राणा र रविन्द्र मिश्रलाई थप १५ दिन थुनामा राखेर अनुसन्धान गर्न जिल्ला अदालत काठमाडौंले अनुमति दिएको छ।
चैत १५ गतेको तीनकुने घटनामा संलग्न रहेको आरोपमा प्रहरीले सांसद समेत रहेका राणा र मिश्रलाई राज्यविरुद्धको अपराधमा अनुसन्धान गरिरहेको छ।
तीनकुने घटनामै संलग्न रहेको आरोपमा अपराधिक उपद्रव र संगठित अपराधमा अनुसन्धान गर्न अरु ७८ जनालाई पनि समातिएको छ। उनीहरुलाई अनुसन्धानका लागिथ थप २० दिनको समय अदालतले दिएको छ।
चैत १५ गते तीनकुनेमा राजसंस्था पुनःस्थापनका लागि भन्दै दुर्गा प्रसाईंको नेतृत्वमा भएको आन्दोदन भड्किदा दुई जनाको ज्यान जानुका साथै निजी घर, पार्टी कार्यालय, सवारी साधन, सपिङ कम्प्लेक्समा आगजनी तथा तोडफोड गरिएको छ।
