सबैभन्दा धेरै संक्रमित भएको काठमाडौं उपत्यकाका तीनवटै जिल्ला ‘रेड जोन’मुक्त भएका छन् । मनाङ, मुस्ताङ र जुम्ला कोरोनाका सक्रिय संक्रमणमुक्त भएका छन् । संक्रमण न्यून हुँदै गएपछि सरकारले कुनै पनि लक्षण नदेखिएका र पूर्ण खोप लगाएका व्यक्तिलाई पीसीआर परीक्षण अनिवार्य नगराउन सबै अस्पताललाई अनुरोध गरेको छ ।
यसअघि, अस्पतालले भर्ना हुने र कुरुवा बस्ने व्यक्तिले समेत अनिवार्य पीसीआर परीक्षण गराउँदै आएकोमा स्वास्थ्य तथा जनसंख्या मन्त्रालयले अब त्यसो नगर्न अनुरोध गरेको छ ।
