पाकिस्तानमा पेट्रोल र डिजेलको मूल्य घटेको छ । डिजेलको मूल्य ४० रुपैयाँ ५४ पैसा र पेट्रोलको मूल्य १८ रुपैयाँ ५० पैसाले घटेको छ ।
पाकिस्तानका प्रधानमन्त्री शाहबाज सरिफले बिहीबार पेट्रोल र डिजेलको मूल्य घटाएको घोषणा गरेका छन् ।
आफ्नो घोषणामा उनले भने, ‘आज विश्व बजारमा तेलको मूल्य ह्वात्तै घटेको छ र यस्तो अवस्थामा हामीसँग पेट्रोलियम पदार्थको मूल्य घटाउने अवसर पनि छ ।’
केही महिनायता पाकिस्तान सरकारले पेट्रोलको मूल्य ६० प्रतिशतसम्म बढाएको थियो भने अब सरकारले पेट्रोलको मूल्य १८ रुपैयाँ घटाउने निर्णय गरेको छ ।
सरकारको अर्थ विभागले पेट्रोल र डिजेलको मूल्य घटाएर जनतालाई राहत दिने प्रयास गरिएको जनाएको छ ।