काठमाडाैं । पुर्व प्रधानमन्त्री एवम् नेकपा एमालेका अध्यक्ष केपी शर्मा ओलीले आफ्नाे पार्टीलाई हराउन नसक्ने भएकाले ८ वा १० दलीय गठबन्धन गर्न लागिएको आरोप लगाएका छन् । आज गृहजिल्ला झापामा आयोजित पार्टी प्रवेश कार्यक्रमलाई सम्बोधन गर्दै उहाँले उक्त आरोप लगाएका हुन् ।
एमाले हराउन गठबन्धन ठूलो पार्दै लगिए पनि केही फरक नपर्ने उहाँको धारणा छ । ‘जस्तोसुकै साँठगाँठ र गठबन्धन गरे पनि मंसिर ४ गतेको चुनावमा एमाले एक्लैले बहुमत ल्याउँछ,’ उहाँले दाबी गर्नुभयो ।
गठबन्धन गर्ने राजनीतिक दलहरुलाई उहाँले कमजोरको संज्ञा दिनुभएको छ । ‘बलिया भएको भए किन जोडिन पथ्र्यो र, कमजोरहरू मात्रै गठबन्धन गर्छन् । एमालेसँग एक्लै चुनाव लड्ने हिम्मत नभएकाहरू साँठगाँठ गर्दछन् । अपवित्र साँठगाँठको नाम नै गठबन्धन हो,’ उहाँको धारणा राखे ।
एमालेले सत्तामा बसेका पार्टीहरुको गठबन्धनमा कति वटा पार्टी सामेल भए त्यसबारे कुनै मतलब वा चासो नराख्ने अध्यक्ष ओलीले खुलासा गर्नु भयाे ।
