काठमाडौं । सेयर कारोबार मापक नेप्से परिसूचक २६.३६ अकंले घटेको छ । आइतबार १.२८ प्रतिशतले घटेको नेप्से परिसूचक २ हजार २२.९२ को विन्दुमा सीमित भएको हो ।
कुल ३ सय ४ कम्पनीमध्ये ८१ वटा कम्पनीको सेयर मूल्य बढ्यो । १५९ कम्पनीको मूल्य घट्यो भने ६ वटा कम्पनीको मूल्य स्थिर रह्यो । आइतबार १ करोड ५२ लाख ६८ हजार ३ सय ९९ कित्ता सेयर कारोबार हुँदा ५ अर्ब २४ करोड १४ लाख ८ हजार रुपैयाँ बराबरको कारोबार भएको छ ।
तेह्रथुम पावर कम्पनी, मुक्तिनाथ कृषि कम्पनीलगायत ९ कम्पनीको मूल्य १० प्रतिशतले बढ्यो । सबैभन्दा धेरै गुमाउनेमा भने मानुषी लघुवित्त वित्तीय संस्था लिमिटेडको सेयर मूल्य ६.६९ प्रतिशतले घट्यो । नेपाल रिपब्लिक मिडियाको सेयर मूल्य ६.४९ प्रतिशतले घट्यो ।
कारोबार रकमका आधारमा सोनापुर मिनरल्स एन्ड आयल लिमिटेड अघि रह्यो । सोनापुर मिनरल्सको २८ करोड ५६ हजार ४ सय ४ बराबर कारोबार भएको छ ।
