काठमाडौं । एएफसी एसियन कप फुटबलमा अष्ट्रेलियाले भारतलाई हराएको छ ।
शनिबार कतारमा अष्ट्रेलियाले भारतलाई २–० गोल अन्तरले हराएको हो ।
पहिलो हाफमा अष्ट्रेलियालाई गोल रहित बराबरीमा रोक्न सफल भारत दोस्रो हाफमा भने सम्हालिन सकेन ।
खेलको ५० औं मिनेटमा जेक्सन इरविनको गोलमा अष्ट्रेलियाले खेलमा अग्रता बनाएको थियो ।
जोर्डन बोसले ७३ औं मिनेटमा भारतको कमजोर डिफेन्सको फाइदा उठाउँदै अष्ट्रेलियाको जित सुनिश्चित गरेका थिए ।
समूह बीको पहिलो खेलमा अष्ट्रेलियाले तीन अंक जोडेको छ । भारतले हार सहित एसियन कपको सुरुवात गरेको छ ।
