काठमाडौं / अभिनेत्री शिल्पा पोखरेलले छविराज ओझाविरुद्ध शान्ति सुरक्षाको माग गर्दै प्रहरीमा उजुरी दिएकी छिन् ।
अभिनेत्री रेखा थापासँग डिभोर्स गरेपछि चलचित्र निर्माता ओझा अभिनेत्री पोखरेलसँग २०७३ साल दसैंमा विवाह बन्धनमा बाँधिएका थिए । उनीहरु दुवैले विवाह गरेको तत्कालै स्वीकार नगरे पनि गत वर्ष मात्र उनीहरुले आफूहरूले विवाह गरेको सार्वजनिक रूपमा स्वीकार गरेका थिए ।
छविले शिल्पालाई ‘लज्जा’ चलचित्रबाट डेब्यु गराएका थिए । शिल्पाले त्यसपछि छविको ब्यानरमा निर्माण भएको ‘मंगलम’ तथा ‘हबल्दार सुन्तली’ मा अभिनय गरेकी थिइन् ।
शिल्पा चलचित्रमा भन्दा म्युजिक भिडियोमा बढी सक्रिय छिन् ।
