आजकाे माैसम : असिना र हावाहुरीसहित वर्षा हुने सम्भावना

काठमाडौं – आज बिहीबार दिउँसो देशभरको मौसममा आंशिकदेखि सामान्य बदली हुने देखिएको छ ।

मौसम पूर्वानुमान महाशाखाका अनुसार हाल नेपालमा पश्विमी वायुको आंशिक प्रभाव कायमै रहेकोले बेलुकासम्म देशका मध्य र पूर्वका केही स्थान तथा पश्विमी नेपालका थोरै स्थानहरुमा हावाहुरीसहित मेघगर्जन र चट्याङ्ग पर्न सक्ने सम्भावना रहेको जनाइएको छ ।