छिमेकी मुलुक चीनमा तीन महिना पहिले नै कोरोना भाइरस फैलिरहेको थियो । कोरोना भाइरस (कोभिड १९)लाई नजर अन्दाज गरेर नेपाल सरकारले भ्रमण वर्ष २०२० घोषणा गरेको थियो जुन सरकारले गर्न हुँदैन थियो ।
बिश्व स्वास्थ्य संगठनले कोरोना संक्रमणकाे सम्भावित उच्च जोखिमको सुचीमा नेपाललाई राखिसक्दा समेत नेपाल सरकारबाट रोग नियन्त्रण पुर्व तयारीका लागि कुनै चाल चालिएन समय मै सचेत पुर्व तयारी मा लाग्नुपर्द्थ्यो । तर व्यापक जनदबाब पछि पिपिइ लगाएत स्वास्थ्य सामग्री खरिदको लागि सरकार तयार भएको र स्वास्थ्य मन्त्रालयले यस्तो संबेदनसिल घडीमा समेत सामाग्री खरिदमा आर्थिक अनियमितता गरेको खबरहरु सुन्नमा आइरहेका छन् । के यो जायज हो ? टाठाबाठाले जे गर्दा पनि सहि हुने सोझासिधाले रोजगारी बन्द भैसकेपछि भारतबाट आफ्नो घर फर्किन खोज्नु महा अपराध भो ?
कोरोना संक्रमणको जोखिम बढेका कारण भारत र नेपालले लकडाउन घोषणा गरिसकेपछि सिमानामा आएर हल्ला गर्नु गलत भन्दै यी सोझासाझा सुदुर पश्चिम पहाडका नागरिकहरुको खिसीटिउरी गरेको देख्दा ज्यादै चित्त दुखेको छ।
खबरदार ! जो होचो उस्कै मुखमा घोचो कदापि सह्य हुने छैन। नेपाल र भारतको सिमना धारचुलामा अलपत्र यी नेपाली नागरिकहरुलाइ दार्चुलास्थित नाका खोलेर भित्र ल्याएर १४ दिन क्वारेन्टाइन राखेर आआफ्नो घर पठाइयोस् ! आफ्ना नगरिकको अप्ठ्यारो राज्यले नै हेर्ने हो । सुदुर पश्चिम प्रदेश सरकारको ध्यान जान जरुरी छ ।