एजेन्सी – ९० वर्षीया जापानी महिला हामाको मोरी विश्वकै सबैभन्दा वृद्ध उमेरकी युट्युबर हुन् ।
आफ्नो भिडियो गेम कलाका कारण लाखौं पारखीहरूको मन जित्न सफल भएकी हामाकोलाई गेमर ग्राण्डमा अर्थात् खेलाडी हजुरआमाको नामले पनि चिनिन्छ । युट्युब गेमर हामाकोले सञ्चालन गरेको युट्युब च्यानलमा २ लाख ५० हजार सब्सक्राइबर छन् ।
हामाकोले यो सफलता निमेषभरमा हात पारेकी भने होइनन् । उनले विगत ३९ वर्षदेखि भिडियो गेमिङ सुरु गरेकी थिइन् । जबकि, सन् २०१५ मा उनले युट्युब च्यानल सुरु गरेकी हुन् । उनले महिनामा चारवटासम्म भिडियो युट्युबमा अपलोड गर्ने गर्दछिन् ।
