काठमाडौं – कोरोना भाइरस संक्रमण (कोभिड १९) रोकथाम, नियन्त्रण तथा उपचारका लागि विभिन्न अस्पतालमा राखिएका स्वास्थ्यकर्मीको करार अवधि थप गर्न स्वास्थ्य तथा जनसंख्या मन्त्रालयले निर्देशन दिएको छ ।
विभिन्न १६ वटा अस्पतालमा करारमा नियुक्त चिकित्सक, नर्स र प्रयोगशालाका कर्मचारीलाई करार समय थप गर्न मन्त्रालयले निर्देशन दिएको हो ।
उनीहरूको करारअवधि पुस मसान्तसम्म थप्न राष्ट्रिय ट्रमा सेन्टर, परोपकार प्रसूति तथा स्त्री रोग अस्पताल, कान्ति बाल अस्पताललगायत १६ वटा अस्पतालका करार कर्मचारीको अवधि थप्न निर्देशन दिएको हो ।
