एजेन्सी – गत हप्ता कोरोनाविरूद्व भ्याक्सिनलाई अनुमति दिएको रुसले आफ्नो भ्याक्सिन स्पुतनिक–५ को भिडियोमा भ्याक्सिनले कोरोनाभाइरसलाई नष्ट गरिदिने देखाइएकाे थियाे । यद्यपि, वैज्ञानिकले रुसको दाबीमाथि चिन्ता व्यक्त गरेका छन् । रसियाली डायरेक्टर इन्भेस्टमेन्ट फन्डको तर्फबाट जारी ३८ सेकेन्डको भिडियोमा स्पुतनिक–५ लाई परिदृश्यमा राखेर यसले कोरोना संक्रमणलाई कसरी नष्ट गरिदिन्छ भनेर देखाइएको छ ।
रुसको तास न्यूज एजेन्सीका अनुसार भ्याक्सिनको तेस्रो चरणको मानवीय परीक्षण अबको हप्ता–१० दिनभित्र सुरु हुनसक्छ । रुसको मस्को क्षेत्रमा हुने यो ट्रायलमा दसौं हजार व्यक्तिको संलग्नता रहनेछ । भ्याक्सिनको पहिलो र दोस्रो चरणको ट्रायल तीब्र गतिमा भएको छ र यो प्रक्रियालाई दुई महिनाभित्र पूरा गरिएको हो । सरकारले भ्याक्सिनलाई तेस्रो चरणको ट्रायल सुरु अघि नै मञ्जुरी दिएको थियो ।