राजधानी बाकुको एक अदालतले सरकार विरोधी मुसावत पार्टीका उपसभापति तोफिग यागुब्लुलाई देशमा गुण्डागर्दीलाई प्रोत्साहन गरेको आरोप लगाइएको उनकी छोरी निगियार हजीले एएफपीलाई बताएकी छन्। अभियोजनकर्ताहरूले यागुब्लूलाई एक विवाहित जोडीलाई शारीरिक यातना दिएको आरोप पनि लगाएका छन्। केही समय पहिले उनी कार दुर्घटनामा पर्दा ती महिलालाई दुब्र्यबहार गरेको पनि आरोप उनलाई लगाइएको छ। मानव अधिकारवादी समूहले उक्त फैसलालाई ‘न्यायको उपहास’ भन्दै उक्त कदमको निन्दा गर्नुकासाथै अजरबैजान सरकारलाई याग्बुलुलाई तत्काल मुक्त गर्न आग्रह गरेको छ।
सरकारले सरकारी आलोचकहरूलाई शान्त पार्न लामो समय देखि झुट्टा आरोपहरू लगाउने गरेको उक्त मानव अधिकारवादी समूहले बताएको छ। मुसावत पार्टीका नेता आरिफ गजलीले आफ्ना उप नेताको पक्राउबारे सरकारको आलोचना गर्दै भने, ‘यागुब्लुविरूद्धको अभियोग उहाँको राजनैतिक क्रियाकलापलाई कमजोर पार्ने प्रयत्न मात्र हो। उहाँले अजरबैजानमा ‘न्याय प्रणाली’को पूर्ण पतन भएको सङ्केत गर्नुभएको छ।’
सजाय सुनाइएपछि ५९ वर्षीय यागुब्लुले आफुलाई राजनीतिक प्रतिशोधका आधारमा सजाय तोकिएको भन्दै सबै आरोपको खण्डन गरेका थिए। उनलाई यस पहिल्यै प्रहरीले यदि उनले राष्ट्रपतिको आलोचना गर्न नछोडेमा प्रहरीले गिरफ्तार गर्ने धम्की दिएको बताए।
