अमेरिकाले दक्षिण चीन सागरमा चीनको कुनै कानूनी अधिकार नभएको दाबी गरे

एजेन्सी – अमेरिकाले पुनः एकपटक दक्षिण चीन सागरमा चीनको कुनै कानूनी अधिकार नभएको दाबी गरेको छ । तर उसले जबरजस्ती आफ्नो नियन्त्रण कायम राख्न चाहेको अमेरिकाको आरोप छ । त्यसकारण पनि चीनले आफ्नो समुद्री सैन्य अड्डाहरूको प्रयोग गरिरहेको अमेरिकाले आरोप लगाएको छ ।

चीनले दक्षिण चीन समुद्री क्षेत्रमा सैन्य शक्ति वृद्धि गरिरहेको छ । उसले यो क्षेत्रमा बढाएको आफ्नो शक्तिलाई आफ्नो सार्वभौमसत्ताको रक्षा भनिरहेको छ । उसको यो कदमलाई लिएर धेरैजसो देशहरूले संयुक्त राष्ट्रसंघमा विरोध गरेका छन् । दक्षिण चीन सागरसँग जोडिएका छिमेकी मुलुकहरुले पनि सो क्षेत्रमा आफ्नो अधिकार स्थापित हुनुपर्ने आवान उठाइरहेका छन् ।