बिहीबार बिहान सवा ११ बजे नेपाल एयरलाइन्सको ए–३२० न्यारोबडी जहाजबाट औपचारिक रुपमा नियमित उडानको शुरुवात गरिएको हो ।
कोभिडपछि पहिलो पटक भएको जहाजमा अक्कुपेन्सी (प्यासेन्जर) राम्रो रहेको प्रवक्ता श्रेष्ठले रातोपाटीसँग बताइन् । तर, कति प्यासेन्जर बोकर जहाज उड्यो सो भने तथ्याङ्क निगममा आइन नसकेको उनले बताइन् ।
‘टिकट काटेका, बुकिङ्ग गरेका सबै प्यासेन्स जान्छन् भन्ने छैन, कति प्यासेन्जर पिसिआरका कारण पनि नजान सक्छन्,’ प्रवक्ता श्रेष्ठले भनिन्, ‘बोर्डिङ पास भइसकेपछि मात्र उड्ने यात्रुहरुको एकिने हुने हो । त्यो डाटा निगममा आउन बाँकी नैछ ।’
गत चैतदेखि कोभिडका कारण रोकिँदै आएको काठमाडौं–दिल्ली नियमित उडान खोल्ने विषयमा लामो समयदेखि तयारी भइरहेपनि केही समयअघि मात्र नेपाल सरकार र भारत सरकार फ्लाइट खोल्न तयार भएका हुन् ।
योसँगै अब नेपाल–भारत दैनिक एकरएक वायुसेवाबाट उडान हुनेछ ।
