काठमाडौं । काठमाडौं–तराई दु्रतमार्गको सुरुङ र हाइ ब्रिज निर्माणका लागि अगाडि बढाएको ठेक्का प्रक्रियाका सम्बन्धमा सार्वजनिक लेखा समितिले सोधेका प्रश्नको जवाफ नेपाली सेनाले दिएको छ ।
समितिका सचिव डा रोजनाथ पाण्डेले दु्रतमार्गको सुरुङमार्ग तथा ‘हाइ ब्रिज’ निर्माणको ठेक्का प्रक्रियामा अनियमितता भएको भन्दै परेको उजुरीको आधारमा समितिले छानबिन सुरु गरेको जानकारी दिए ।
द्रुतमार्गको सुरुङमार्ग तथा ‘हाइ ब्रिज’ निर्माणका लागि आह्वान गरिएको ‘प्रि–क्वालिफिकेसन’का क्रममा ४३ वटा अन्तर्राष्ट्रिय कम्पनीले इच्छा देखाएका थिए । तीमध्ये तीनवटा चिनियाँ कम्पनी सङ्क्षिप्त सूचीमा सूचीकृत भएको आजको गोरखापत्र दैनिकमा खवर छ ।