काठमाडौं– जनकपुर उपमहानगरपालिकाले आइसोलेशन केन्द्र सञ्चालन गरेको छ। दैनिक बढिरहेको कोरोना संक्रमण रोकथाम एवं नियन्त्रणका लागि ३७ शय्याको आइसोलेशन केन्द्र सञ्चालन गरिएको नगरपालिकाले जनाएको छ। उपमहानगरपालिका– ४ स्थित गोपाल धर्मशालामा आइसोलेशन केन्द्र सञ्चालन गरिएको हो। होम आइसोलेशन बस्न असहज हुने संक्रमितलाई लक्षित गरी मंगलबारदेखि केन्द्र सञ्चालन गरेको उपमहानगरपालिकाकी उपप्रमुख रीता झाले जनाइन्।
