काठमाडौं । नेपाल भाषा साहित्यका चार खम्बा मध्ये एक मानिएका महाकवि सिद्धिदास महाजुको १ सय ५४ जन्मजयन्ती दिप प्रज्वलन गरी मनाएकाे छ ।
काठमाडौंको रत्नपार्कमा रहेकाे महाकवि सिद्धिदास महाजुको सालिकमा दिपप्रज्वलन गरी मनाएकाे थियाे । “भाषा रहे जाति रहन्छ” भन्ने मूल मन्त्रलाई आत्मसाथ गरी तत्कालीन राणा शासकहरुको दमनले मराणासन्न स्थितिमा पुगेको नेपाल भाषा साहित्यलाई पुनर्जागरण गराउन अतुलनीय याेगदान दिएकाे स्मरणमा महाकवि महाजुकाे विविध कार्यक्रम गरी मनाएको छ ।
नेवाः विध्यार्थी युनियनका सदस्य रितेश, मल्ल, सुमित दास रञ्जित तथा इन्द्रमान महर्जन, नेवाः देय् दबूका अध्यक्ष नरेश ताम्रकार, नेपालभाषा शिक्षक मदनसेन बज्रार्चाय, रमिता बज्रार्चाय नेपाल भाषा अध्ययनरत विध्याथी तथा मातुभाषाणरागी तथा भाषिक अभियान्ताहरूकाे समेत उपस्थिति रहेकाे थियाे ।
नेपालभाषा साहित्यमा सिद्धि रामायण लगायत दर्जनौं काव्य कविता लेखेका कविको जन्म नेपाल संवत् ९८७ यंलागा द्वितीया वि.सं. १९२४ आश्विन १ गते काठमाडौंको जनबहाल, केलटोलमा जन्मेका उनले नेपालभाषा पुनर्जागरणका लागि आफ्नो पूरा जीवन सम्पर्ण गरेका थिए।
नेपाली भाषामा समेत साहित्य श्रृजना गरेका महाकविले सज्जन हृदयाभरण, सत्यसती, संवाद, सिद्धिदास थःगु मिखाय् व शिवविलास बाखं आदि दजनौ कृति पुस्तक रचना गरेका छन् । यस बर्ष काेराेना महामारी मध्यनजर गरी अघिल्ला बर्षमा झै मैन र्याली निकाल्न असमर्थ रहेकाले सामान्य तवरले दिप प्रज्वलन गरेर मनाउनु परेकाे नेवाः बस्ती नेवाः स्कुल अभियानका संयाेजक दिपक तुलाधरले जानकारी गराए । उनले थप्दै भने महाकवि महाजुले भाषिक क्षेत्रमा दिइएकाे अमुल्य याेगदानकाे गुणानुस्मरण गरी जन्माेउत्सव मनाउदै आइरहेको जनाए ।
