काठमाडौँ । प्रमुख प्रतिपक्षी दल एमालेले पार्टीका अध्यक्ष केपी शर्मा ओली सहभागी कार्यक्रम बिथोल्न खोजिएको आरोप लगाएको छ ।
प्रतिनिधिसभाको बुधबारको बैठकमा एमालेका प्रमुख सचेतक पदम गिरीले झापामा आयोजित कार्यक्रममा अध्यक्ष ओली सहभागी हुने क्रममा अवाञ्छित गतिविधि गरिएको बताए ओली सहभागी कार्यक्रम बिथोल्न खोजिएको आरोप ओली बुधाबर मात्रै झापा गएका छन् । पार्टीका कार्यक्रममा सहभागी हुन उनी झापा गएको र झापाको बुधाबारेमा आयोजित कार्यक्रममा सत्तापक्षका राजनीतिक दलका कार्यकर्ताले त्यस्तो गरेको गिरीको आरोप छ ।
शान्ति स्थापना गर्ने दायित्व सरकारको भएको गिरीको भनाइ छ । उनले सरकार जिम्मेवार भएर प्रस्तुत हुनुपर्ने बताए । ‘मुलुकमा शान्ति स्थापना गर्ने दायित्व सत्तापक्षको हो कि होइन ? जिम्मेवार हुनुपर्छ कि पर्दैन ? हामी प्रतिपक्षमा बसेर अन्याय सहनुपर्ने कुनै जरुरत छैन,’ उनले भने । एमाले अध्यक्ष ओली केही दिनका लागि पूर्वी नेपालमा हुने विभिन्न कार्यक्रममा सहभागी हुन गएका छन् ।