काठमाडौं । अन्तर्राष्ट्रिय फुटबल जगतमा नेपालले लगभग ३७ वर्षपछि नेपालले आज बिहीबार हङकङविरुद्ध मैत्रीपूर्ण फुटबल खेल्ने भएकाे छ ।
याे भन्दा अघि नेपालले सन् १९८८ मा एसियाकप छनोटको काठमाडौंमा भएको थियाे । जुन खेलमा दुबै टाेलीले गोलरहित बराबरीमा खेलेकाे थियाे ।
नेपालले हङकङविरुद्ध उसकै भूमिमा ५ बजेर ४५ मिनेट खेल्दै छ । नेपाल मुख्य प्रशिक्षक म्याट रसको नेतृत्वमा एसियाकप छनोट खेल्ने तयारीमा रहेकाे छ । याे खेलबाट नेपाली टिम कहाँनिर छ भन्ने जाँच गर्ने अवसर प्राप्त हुनेछ । यो खेललाई लिएर प्रशिक्षक म्याट र कप्तान किरण लिम्बू दुवै उत्साहित रहेका छन् ।
खेल अगाडि आयोजित प्रि–म्याच कन्फ्रेन्समा रसले भनेका छन्, ‘हामीले हङकङलाई नजिकबाट हेरेका छौं । यो बलियो टिम हो, तर हामीले यसबारे राम्रो अध्ययन पनि गरेका छौं ।’ सो कोन पोस्थित हङकङ रंगशालामा हुने खेल नेपाली समय अनुसार साँझ पौने छ बजे सुरु हुनेछ । यो खेलपछि नेपालको ध्यान लाओसविरुद्ध हुने छनोट खेलमा हुनेछ ।
‘हङकङविरुद्धको खेलमा देखिन सक्ने कमजोरीलाई सच्याएर हामी लाओसको समना गर्नेर्छौं,’ रसले भनेका छन् । कप्तान लिम्बूले पनि लाओसको सामना गर्न अगाडि हङकङविरुद्धको खेल राम्रो अभ्यासका रूपमा रहने जनाएका छन् । उनले भनेका छन्, ‘हामी हङकङ टिमको सम्मान गर्छौं ।’ नेपाली टिमले बुधबार अबेर हङकङ रंगशाला अभ्यास पनि गरेको थियो ।
