त्यस्तै गायिका मिजिरा सम्बाहाम्फेले पनि सबैलाई नचाइन । कार्यक्रमको बिच बिचमा निता पतङ्वा, माया लामा, श्रीद्दिका सुवेदी, प्रत्युसा राई, निया हाङ्सरुम्बा, साम्याङ लिवाङ लगायतको आकर्षक नृत्य समेत रहेको थियो । कार्यक्रममा किरात याक्थुङ चुम्लुङ पोर्चुगलका पुर्व अध्यक्ष प्रेम लिम्बुले चासोक तङ्नामको बारेमा प्रष्ट पारेका थिए । कार्यक्रममा पोर्चुगलमा भएका विभिन्न संघसंस्थाका व्यक्तित्वहरुको साथै ठूलो किरात समुदायको उपस्थित रहेको थियो । कार्यक्रमको संचालन कार्यसमिति सदस्य सुरेश फोम्बोले गरेका थिए । च्याब्रुङ ( केलाङ ) नाच तथा पालाम नाच समेतको प्रस्तुति रहेको थियो । यी मौलिक संस्कृति झल्कने नृत्यहरुले कार्यक्रमको अझ आकर्षण बढाएको थियो । लिम्बू भाषामा ‘चासोक’ को अर्थ न्वागी र ‘तङ्नाम’ को अर्थ उत्सव वा पर्व हुन्छ ।
