एजेन्सी – रुसका विपक्षी नेता एलेक्सी नाभाल्नीलाई विष दिइएको पुष्टि भएको छ । अहिले जर्मनीमा उपचाररत उनलाई विष दिइएको जर्मनीको सरकारले पुष्टि गरेको हो ।
नाभाल्नीलाई रुसको साइबेरिया क्षेत्रबाट एयरलिफ्ट गरी जर्मनीको बर्लिन लगिएको थियो । उनको पेटमा समस्या भएपछि साइबेरियाबाट मस्कोतर्फ उडेको विमान आकस्मिक अवतरण गरिएको थियो ।
नाभाल्नीका समर्थकहरुले उनीमाथि रुसका राष्ट्रपति भ्लादिमिर पुटिनको निर्देशनमा विष दिएको आरोप लगाएका छन् । यसअघि सन् २०१८ मा पूर्व रुसी जासुस र उनकी छोरीलाई नोभिचोक एजेन्ट दिइएको आरोप छ ।
