बेइजिङ । अमेरिकी राष्ट्रपति डोनाल्ड ट्रम्पले चीनको राजधानी बेइजिङमा सम्पन्न तीन दिने उच्चस्तरीय भ्रमणपछि अमेरिका फर्किएका छन् । चीनका राष्ट्रपति सी जिनपिङसँग भएको लामो वार्ता र विभिन्न कूटनीतिक कार्यक्रमपछि ट्रम्पले आफ्नो भ्रमण समाप्त गरेका हुन् ।
एयर फोर्स वन शुक्रबार दिउँसो स्थानीय समय अनुसार बेइजिङको अन्तर्राष्ट्रिय विमानस्थलबाट उडेको थियो । प्रस्थानअघि विमानस्थलको रनवेमा औपचारिक बिदाइ समारोह आयोजना गरिएको थियो ।
यो भ्रमण अवधिभर ट्रम्पले सी जिनपिङसँग उच्चस्तरीय भेटवार्ता, निजी चिया बैठक, कार्यकारी लन्च तथा औपचारिक भोजमा भाग लिएका थिए । साथै, उनले बेइजिङका केही ऐतिहासिक स्थलहरूको पनि भ्रमण गरेका थिए ।
